Campaña Orgullo LGTBI 2016 "Unidas somos máis fortes. Unidas venceremos"

ALEAS-EU INSISTE NA NECESIDADE DE CREAR UNHA UNIDADE DE ACCIÓN ENTRE OS COLECTIVOS E ACTIVISTAS LGTBI

ALEAS-EU CRE QUE O EXEMPLO DA PLATAFORMA FEMINISTA GALEGA É O MILLOR ESPELLO ONDE REFLEXARSE

Un ano máis achégase o 28 de Xuño, Día Internacional do Orgullo LGTBI, no que se conmemoran os disturbios de StoneWall de 1969 en New York. Un ano máis, miramos cara o noso pasado e sentimos non só Orgullo da nosa identidade, senón tamén Orgullo da nosa historia, orgullosas e orgullosos de onde vimos e cara onde vamos.

Son moitos os espellos nos que mirarse. Moitos referentes que loitaron antes e outros que siguen loitando por un mundo para todas e todos, respectuoso coa diversidade e con admiración pola beleza que iso significa, un mundo plural. Pero tamén é moito o traballo que queda por diante, xa que as agresións van en aumento e aínda que os pasos dados non son en vano, quédanos moito polo que pelexar e seguir na rúa. 

Valoración convenio económico da Xunta coas entidades LGTBI galegas

ALEAS-EU CALIFICA DE “PROPOSTA ELECTORALISTA” A CREACIÓN DUN CONVENIO SORE PROPOSTAS LGTBI A UN MES DO 26-X E PRETO DAS AUTONÓMICAS GALEGAS

Para Noel Dopazo, “esta estratexia crea certas dúbidas sobre se toda a proposta quedará en papel mollado”. Doutra banda, dende Aleas-EU ven necesaria a rápida creación dun “observatorio contra a LGTBIFOBIA” onde todas as entidades LGTBI galegas estean representadas.

A Xunta quere crear un convenio coas asociacións LGTBI galegas

NOEL DOPAZO E SUSANA LÓPEZ REÚNENSE PARA AVANZAR NA PROCURA DA NORMALIZACIÓN REAL DA DIVERSIDADE SEXUAL

Compostela, 27 de maio de 2016. O coordinador da area de Liberdade de Expresión Afectivo-Sexual de Esquerda Unida (ALEAS-EU), Noel Dopazo, foi invitado pola secretaria xeral de Igualdade, Susana López, co obxecto de ter unha xuntanza co fin de informarlle das medidas e actuacións que se levarán a cabo no relativo ás asociacións e organizacións LGTBI dende a Xunta, así como o traballo conxunto que se podía levar a cabo.

Eva Solla apoiará unha concentración das Foanpas en Vigo

EVA SOLLA E ALEAS-EU SUMARANSE ESTA TARDE Á CONCENTRACIÓN DE FOANPAS CONTRA A HOMOFOBIA E TRANSFOBIA

Compostela, 14 de xaneiro de 2016. Eva Solla, membro da dirección de Esquerda Unida e deputada de AGE, participará esta tarde na concentración contra a homofobia e a transfobia convocada pola Federación Olívica de Asociacións de Nais e País (Foanpas) a prol da defensa da educación inclusiva.

Por unha Lei de Visibilidade LGTBI real

ALEAS-EU non apoia a “PL de Igualdade de Trato e Non Discriminación de Lesbianas, Gays, Transexuais e Bisexuais en Galicia” por considerala unha fraude, e criticamos o roubo que PP, PSdG e BNG están próximos a aprobar.

Dende a Área de Liberdade de Expresión Afectivo-Sexual de Esquerda Unida (ALEAS-EU) queremos informar por que non apoiamos a “Proposición de Lei de Igualdade de Trato e Non Discriminación de Lesbianas, Gays, Transexuais e Bisexuais en Galicia” que está próxima a ser aprobada no Parlamento Galego.

ALEAS-EU súmase ao rexeitamento a unha lei LGTB valeira de contido

Diferentes organizacións políticas e asociacións únense para protestar contra a “Proposición de Lei pola igualdade de trato e non discriminación de Lesbianas, Gais, Transexuais, Bisexuais en Galicia”

O PSdG rexistrou en xuño do 2013 unha “Proposición de Lei pola Visibilización e Non Disriminación LGTB en Galicia”. Dada a maioría absoluta do Partido Popular no Parlamento Galego, a proposición, agora coñecida como “Lei pola igualdade de trato e non discriminación de Lesbianas Gays, Transexuais, Bisexuais en Galicia” e que está próxima a ser aprobada, quedará baleira de contidos, transformarase nunha mera declaración de intencións e non suporá ningún avance nin conquista na loita polos dereitos do colectivo LGTBI.

Non ao modelo de Orgullo de A Coruña!

ALEAS-EU REXEITA O MODELO DO ORGULLO CELEBRADO NA CORUÑA E APOIA A CONVOCATORIA DUNHA MANIFESTACIÓN DO ORGULLO LGTBI EN VIGO O DÍA 29 DE XUÑO

 

ALEAS-EU ABOGA POR UN ORGULLO REIVINDICATIVO E COMBATIVO LIBRE DE CLICHÉS E MERCANTILIZACIÓN

O contexto no que o colectivo LGTBI se atopa fai que sexa necesario replantearnos o noso modelo de loita. Hai unha semana publicabamos unha declaración co noso modelo de Orgullo, un documento de duro traballo creado de abaixo cara arriba e coa colaboración do tecido asociativo LGTBI estatal e de movementos sociais.

O noso modelo de Orgullo

A modo de introdución

Na actual coxuntura de crise terminal do sistema capitalista, a esquerda transformadora debe traballar dende abaixo na conformación dun bloque sociopolítico alternativo e potente que rexeite e combata o austericidio neoliberal; que impulse non só un cambio radical de políticas, senón a construción dun sistema verdadeiramente igualitario, xusto e democrático a través dun novo proceso constituínte. No marco desta ambiciosa tarefa, as experiencias de converxencia e confluencia co conxunto dos movementos sociais toman un papel protagonista para articular a proposta política e a mobilización social, en definitiva, para construír a alternativa necesaria e urxente á ortodoxia neoliberal.

ALEAS-EU aposta por un Orgullo reivindicativo

A Área de Liberdade de Expresión Afectivo-Sexual de Esquerda Unida (ALEAS-EU) ven de presentar unha declaración na que fai un chamamento a realizar unha manifestación unitaria do Orgullo LGTBI nacional. 

Tras pasar un ano da creación da área a nivel nacional, ALEAS-EU cre que as loitas do colectivo LGTBI non remataron e que os ataques que se están a recibir por parte dos gobernos autonómico e central, ambos do Partido Popular, deben ter unha resposta na rúa. 

Segundo Noel Dopazo, Co-coordinador nacional de ALEAS-EU, “tras a aprobación do matrimonio igualitario houbo un proceso de desactivación do texido asociativo LGTBI en todo o Estado, algo do que Galiza non quedou á marxe, posto que a socialdemocracia deu a entender que as loitas xa estaban rematadas”. Á rolda de prensa tamén acudiu a deputada por Alternativa Galega de Esquerda (AGE) Eva Solla, quen opina que “estes ataques non son residuais, senón que van a continuar, como podemos ver en eidos como o sanitario o una educación, polo que unha resposta unitaria de forzas de esquerda é moi necesaria”.

Así, ALEAS-EU cre que esta convocatoria unitaria debería estar convocada polas organizacións LGTBI, sendo o papel da área apoiar en todo o necesario e impulsar a movilización, tendo o papel protagonista as asociacións LGTBI galegas.  

Por último, sen censurar o carácter festivo do Orgullo, o que ALEAS-EU rexeita é a mercantilización e o uso partidista da convocatoria, como está a acontecer en cidades como A Coruña, sendo o modelo da área o correspondente a un Orgullo combativo, antipatriarcal, feminista, ecoloxista e anti-heteropatriarcal.

AGE atende as demandas dos colectivos LGTBI

Apóstase por unha nova lei de familia, incluínte e respectuosa coa diversidade, e destácase o papel das asociacións na loita e apoio ao colectivo LGTBI.

No día de onte tivo lugar un encontro entre membros de ALEAS-EU, en representación de Alternativa Galega de Esquerda, e Nós Mesmas, asociación de Vigo pertencente á FELGTB e referente actual do asociacionismo LGTBI en Galicia. Nesta xuntanza, que tivo lugar na cidade olívica, puxéronse en común as liñas de acción en temas LGTBI e recolléronse as demandas do colectivo de cara á vindeira lexislatura.

Entre os temas que se abordaron destaca a necesidade dunha nova lei de familias, en plural, que sustitúa á lei actual promovida por Feijóo na que as familias homoparentais non teñen cabida, e se rexeita de cheo todo modelo de familia distinto ao modelo tradicional heteropatriarcal e misóxeno que promove o PP. 

En consonancia co recoñecemento e o respecto á diversidade sexual, destacouse a necesidade de fomentar o asociacionismo LGTBI, en especial nos contornos xuvenís, así como a retirada de subvencións ás entidades manifestamente homófobas.

Tanto AGE como Nós Mesmas concordan na necesidade de atender á realidade da poboación LGTBI do rural galego, onde rapaces e rapazas gais, lesbianas, bisexuais, transexuais e intersexuais, carecen de referentes e apoio de cara ao seu desenrolo persoal e sexual. Tamén foron coincidentes os posicionamentos no tocante ao modelo de Orgullo LGTBI, que require dun maior protagonismo do tecido asociativo, así como recuperar o seu caracter esencialmente reivindicativo.