ALEAS-EU súmase ao 14N na xornada de Folga Xeral

Estamos a vivir a peor crise económica na historia do capitalismo. Mais ben, o capitalismo está en crise máis ca nunca. Atopámonos nunha actualidade onde o neoliberalismo estase impoñendo sobre calquer tipo de razón ética, unicamente interesado no desmantelamento do escaso “Estado do Benestar” que xa disfrutábamos en España, atacando así sen piedade aos máis febles da sociedade, aos emigrantes e á clase traballadora, aumentando a brecha social, aumentando a diferencia entre xs de arriba e xs de abaixo, todxs nós.

Matrimonio igualitario e constitucional

“A igualdade é o trato idéntico que se lle brinda ás persoas sen que medie ningún tipo de reparo pola raza, sexo, clase social ou outra circunstancia plausible de diferenza. É a ausencia de calquera  tipo de discriminación.” Tendo en conta esta definición do termo igualdade, poderiamos pensar que non vivimos nun mundo igual para todxs. Hai moitos casos de discriminación na sociedade do século XXI, con exemplos como que as mulleres cobren menos que os homes nos mesmos traballos, que haxa xente vivindo en mansións mentres desafiuzan a unha familia con todos os membros en paro, que se considere unha enfermidade ser transexual cando non é así de ningunha maneira,…

Aínda así, somos moitxs xs que cremos que o cambio é posible e por iso, día a día, loitamos para que as cousas cambien e para que esta sociedade vaia a millor, porque, como ben dixo Eduardo Galeano: “A utopía está no horizonte. Camiño dous pasos, ela afástase dous pasos e o horizonte bótase dez pasos máis alá. Entón para que sirve a utopía? Para iso, sirve para camiñar”. Onte, podemos dicir que avanzamos tres pasos cara o horizonte.

Onte, día 6 de outubro do 2012, tivo lugar un feito histórico: o Tribunal Constitucional ditaminaba, con oito votos contra tres, a constitucionalidade da Lei do Matrimonio Igualitario do 2005 e, deste xeito, rexeitaba o recurso que o Partido Popular presentou contra dita lei catro meses despois da súa posta en vigor. Esquerda Unida e, en particular, ALEAS-EU (Área de Liberdade de Expresión Afectivo-Sexual de Esquerda Unida), queren mostrar a súa satisfacción e aprobación pola resolución do tribunal. Cremos que o matrimonio non é unha invención da Igrexa, senón un dereito universal e accesible a parellas de todo tipo: home con home, muller con muller e home con muller, e que prohibilo sería un ataque directo aos dereitos dunha gran parte da sociedade.

Ademais disto, queremos censurar a conduta do Partido Popular e, en particular, a do Presidente do Goberno, Mariano Rajoy, por presentar este recurso homófobo e, logo, por non telo retirado no transcurso destes sete anos. Preguntámonos se, cando din que o primeiro no que pensan é na cidadanía, refírense en realidade a que no primeiro que pensan é en fomentar a sociedade heteropatriarcal, homófoba e machista. Sendo así, pedimos ao goberno do Partido Popular que escoite á cidadanía e á xustiza, que non poña en perigo aos miles de matrimonios e familias homoparentais deste país e que comprenda que é lóxico que o que se considera normal sexa legal.

Este só é un paso, xa que aínda temos moito camiño de loita para acadar a igualdade real do colectivo LGTBI, polo que avante compañeirxs! Forza! 

#AmarÉConstitucional

AGE irrumpe no Parlamento Galego

Descontento e rebeldía, eses son os nomes propios das eleccións galegas do 2012. Arredor de 200.000 persoas deron o seu apoio ás forzas da esquerda rupturista e renovadora, así pois,  AGE estréase con nove parlamentarixs e a voz do colectivo LGTBI estará presente.

O Partido Popular repite maioria absoluta e goberno a pesar de sufrir unha importante perda de votos, todo isto debido á fatídica lei electoral galega e á caída  dos desacreditados partidos do bipartito, o BNG e o PSdG, que se negaron a participar no proxecto anticapitalista e causaron a fractura do voto de esquerdas do noso País, e dito isto, recuperamos a frase que dixo o ilustre Xosé Luís Méndez Ferrín no peche de campaña de AGE en Ourense, “contamos que pronto estean aquí ao noso carón, porque a estupidez humana non é infinita”.

A coalición formada por Esquerda Unida, Anova, Espazo Ecosocialista e Equo ten un compromiso fiel e formal co noso colectivo, os nosos escanos servirán para frear as políticas hetero-patriarcais do goberno conservador de Feijóo.  O movemento LGTBI galego ten que dar un forte e contundente golpe sobre a mesa por un futuro diferente e esperanzador,  e para iso compre unidade, a mesma unidade que fixo posible o soño de Alternativa Galega de Esquerda. Imoslle cortar as gadoupas á homófoba e machista Igrexa Católica, imos darlle nos fociños aos tiranos patróns, hai que pecharlle a porta á ignorancia e camiñar cara o pogreso e a fraternidade, comeza o cambio.

Queremos dar as grazas aos galegos e ás galegas que depositaron a súa confianza neste fermoso proxecto, pero isto ten que seguir avanzando, traballaremos día a día para rematar coa abstención e demostraremos que o único voto útil é o voto revolucionario, o voto REBELDE, e sen vós non é posible, xuntos podemos! A loita continua compañeirxs, NON PASARÁN!

AGE atende as demandas dos colectivos LGTBI

Apóstase por unha nova lei de familia, incluínte e respectuosa coa diversidade, e destácase o papel das asociacións na loita e apoio ao colectivo LGTBI.

No día de onte tivo lugar un encontro entre membros de ALEAS-EU, en representación de Alternativa Galega de Esquerda, e Nós Mesmas, asociación de Vigo pertencente á FELGTB e referente actual do asociacionismo LGTBI en Galicia. Nesta xuntanza, que tivo lugar na cidade olívica, puxéronse en común as liñas de acción en temas LGTBI e recolléronse as demandas do colectivo de cara á vindeira lexislatura.

Entre os temas que se abordaron destaca a necesidade dunha nova lei de familias, en plural, que sustitúa á lei actual promovida por Feijóo na que as familias homoparentais non teñen cabida, e se rexeita de cheo todo modelo de familia distinto ao modelo tradicional heteropatriarcal e misóxeno que promove o PP. 

En consonancia co recoñecemento e o respecto á diversidade sexual, destacouse a necesidade de fomentar o asociacionismo LGTBI, en especial nos contornos xuvenís, así como a retirada de subvencións ás entidades manifestamente homófobas.

Tanto AGE como Nós Mesmas concordan na necesidade de atender á realidade da poboación LGTBI do rural galego, onde rapaces e rapazas gais, lesbianas, bisexuais, transexuais e intersexuais, carecen de referentes e apoio de cara ao seu desenrolo persoal e sexual. Tamén foron coincidentes os posicionamentos no tocante ao modelo de Orgullo LGTBI, que require dun maior protagonismo do tecido asociativo, así como recuperar o seu caracter esencialmente reivindicativo. 

#23S Día Internacional da Visibilidade Bisexual

ALEAS-EU reafirma o seu compromiso contra a bifobia no Día da Visibilidade Bisexual.

#22J Día en memoria das vítimas de crimes de odio

O 22 de xullo do 2011 a cidade de Oslo e a illa de Utoya foron escenario da maior masacre en Noruega dende a Segunda Guerra Mundial. Este feito tiña como trasfondo un dos problemas que máis está a repercutir na actual política europea, a xenofobia e islamofobia, que se expanden na poboación coma un virus que se alimenta da actual crise económica.

ALEAS-EU denuncia trato discriminatorio no Rexistro Civil

Dende a Área de Liberdade de Expresión Afectivo-Sexual de Esquerda Unida queremos denunciar o trato discriminatorio que, en contra das disposicións legais vixentes, recibíu un matrimonio da comarca de Ferrolterra a instancias do Rexistro Civil de Ferrol.

BornThisWay Blogspot

Non, non se trata dunha páxina de fans de Lady Gaga. Este blogue é unha das páxinas máis especiais que calquera membro do colectivo LGTBI se pode atopar: un blogue de experiencias persoais de persoas gais, lesbianas, bisexuais, transexuais, queer... Un conglomerado de historias persoais onde se demostra a natureza da homosexualidade.

O creador deste blogue chámase Paul V., e ao igual que os seus lectores, é unha persoa concienciada co colectivo. A idea que o impulsou a crear esta páxina foi a maior visibilización dxs homosexuais, a loita contra a homofobia e o apoio psicolóxico que aporta saber que non estás só no mundo e que hai moita xente que sabe o que se sinte ao ser diferente.

ALEAS-EU co activista Louis Georges Tin

Dende a Área de Liberdade de Expresión Afectivo-Sexual de Esquerda Unida (ALEAS-EU) queremos expresar o noso apoio e solidariedade co activista Louis Georges Tin, fundador do Día Internacional contra a Homofobia, na folga de fame que mantén dende o 25 de xuño.

O activista solicita ao Goberno francés que se involucre activamente na despenalización universal da homosexualidade ante as Nacións Unidas, como prometera o candidato Hollande antes das eleccións. A pesar destas promesas, ata o momento non se produciu ningún movemento por parte do Goberno francés, o que levou a esta situación que dende ALEAS-EU denunciamos nun exercizo de solidaridade internacional.

Carta de ALEAS-IU dirixida a RTVE

Carta remitida por ALEAS IU á Defensora do Espectador de RTVE 

Por la presente deseo instar la actuación de la Defensora del Espectador de RTVE, Doña Elena Sánchez Caballero, acerca de la omisión informativa de la presencia de Izquierda Unida (IU) en la manifestación estatal del Orgullo LGTBI 2012 en Madrid durante la emisión de los telediarios de La 1 de TVE.

Creemos que RTVE actuó de manera partidista, sectaria y poco profesional al no informar a los espectadores y las espectadoras de la participación de IU en la manifestación estatal del Orgullo LGTB, cuando sí se confirmaba y alababa la asistencia de comitivas de distintos partidos políticos, sindicatos y asociaciones. También tenemos constancia de que la redacción obtuvo material gráfico que asegura y confirma nuestra participación en el Orgullo LGTB 2012.

TVE censura a EU-IU nas informacións do Orgullo 2012

TVE omite a presenza de EU-IU na manifestación estatal do Orgullo 2012, mentres que menciona a outras formacións políticas, a pesares de que nos seus arquivos figura de xeito explícito documentación gráfica que constata a participación de EU-IU na marcha.

O TD-2 do pasado sábado, o informativo da pública máis inmediato á celebración da manifestación estatal, recolleu unha información de claro sesgo político no tratamento que fixo da celebración do Orgullo.       


No minuto 04:32 recollía en titulares a celebración que a esas horas aínda estaba tendo lugar nas principais rúas de Madrid, ao que lle adicou 28” cunha conexión en directo. Xa na propia sección de Sociedade, como nova de cabeceira logo dos Deportes, a partir do minuto 34:32 recolle unha ampla crónica de 3’ 38”. Neste punto inclúese unha peza informativa de 30” para referirse á presenza de sindicatos e formacións políticas na marcha, baixo o rotulo que se pode ler na imaxe e que reza “UGT, CCOO, PSOE, UpyD y Equo se suman a la marcha del Orgullo Gay”. En ningún momento se fai referencia á presenza destacada de EU-IU, que saíu en cabeceira das formacións políticas que defilaron no Orgullo, cunha pancarta vertical, unha bandeira xigante, unha pancarta horizontal sostida por globos xigantes de helio, e todo isto amenizado por unha batucada que facía que a delegación de EU-IU non pasara inadvertida, excepto para TVE.

ALEAS-EU na manifestación estatal do Orgullo LGTBI

Compañeirxs das distintas federacións portando a pancarta.

  
“Que non recorten a túa pluma! Os recortes tamén son LGTBIfobia” foi o lema co que ALEAS-IU saímos á rúa para denunciar o carácter ideolóxico dos recortes do Goberno en materia de igualdade, educación e sanidade.

Manifesto de ALEAS-EU con motivo do Orgullo LGTBI 2012

Os Nosos dereitos non se recortan!

O 28 de xuño conmemoramos o Día do Orgullo LGTBI, un día de ledicia, rabia e memoria. Ledicia para celebrar as importantes conquistas que o movemento LGTBI alcanzou nos últimos anos, avanzando sen se rendires na súa firme loita pola igualdade e a diversidade. Rabia para espertar e rebelarnos ante unha realidade que nos sigue invisibilizando, discriminando e oprimindo, pero tamén para defender con unllas e dentes os dereitos que tanto esforzo nos custou acadar e que hoxe corren serio perigo. Por último, memoria para non esquecer o noso pasado, para recordar o compromiso militante de varias xeracións de activistas LGTBI que desde os suburbios de New York, desde as prazas de Buenos Aires ás ramblas de Barcelona, arriscaron as súas vidas por conquistar máis igualdade e máis liberdade en tempos non tan lonxanos.

Asemblea Constituínte de ALEAS - EU

O pasado venres día 22 de xuño celebrouse na cidade de Compostela a primeira asemblea da Área de Liberdade de Expresión Afectivo-Sexual de Esquerda Unida (ALEAS-EU), na que se aprobou o Regulamento Interno da área na Galiza, se elixiu e nomeou ao coordinador da área, ao secretario e ao responsable na primeira cidade activa, Compostela, e se fixaron as seguintes prioridades de traballo e proxectos da nova área:

• Loitar polas liberdades e dereitos LGTBI, e sempre da man coas distintas asociacións comprometidas coa causa na Galiza.

• Conseguir unha maior presenza da muller na loita do colectivo.

Benvidxs ao blogue de ALEAS-EU

Estreamos un novo espazo na Rede que faga de fiestra entre ALEAS-EU e a cidadanía, o que nos vai a permitir informar da nosa actividade, das novas en cuestións LGTBI, así coma os nosos posicionamentos, manifestos, notas de prensa, etc. Non pretendemos con isto crear un espazo exclusivo para a xente de Esquerda Unida, todo o contrario, agardamos facer deste blogue un recurso de utilidade, polo que imos a contar con seccións que consideramos de interese xeral, deixando a porta aberta a todas as suxestións que neste senso nos fagades chegar.

É por iso que contaremos con apartados máis específicos que iremos construindo pouco a pouco. Un deles estará adicado a recomendar aqueles sitios web que consideramos poden ser de interese para a comunidade LGTBI. Tamén imos a habilitar unha sección dirixida á denuncia da homofobia persistente aínda nos nosos días. Queremos poñer a disposición da comunidade LGBTI as ferramentas e recursos cos que podemos contar para non deixar pasar por alto calquera mostra de desprezo homofóbico.