Agresión homófoba en Compostela. BASTA XA!

ALEAS ESQUERDA UNIDA SOLIDARÍZASE COAS VÍCTIMAS DA AGRESIÓN HOMÓFOBA EN COMPOSTELA

A área de Diversidade Afectivo-Sexual de EU (ALEAS-EU) esixe medidas para loitar contra a lacra da LGTBIFobia.

Ataque contra unha bicada reivindicativa na Coruña

ALEAS-EU CONDENA O ATAQUE CON OVOS SOFRIDO ONTE NA BICADA CONVOCADA NA CORUÑA POR ALAS CORUÑA E A FELTGB

ALEAS-EU CONSIDERA QUE ESTE TIPO DE SUCESOS SÓ PODEN REAFIRMARNOS NA NOSA CAUSA E ANIMARNOS A SEGUIR LOITANDO

Onte, día 30 de xaneiro, a FELGTB convocaba en 30 cidades de todo o Estado unha bicada contra as agresións LGTBIfóbicas, para visibilizar a violencia que existe contra o colectivo LGTBI e para facer ver que os que teñen o problema son os que discriminan e reprimen, non nós.

Ante as súas agresións: RESPONDEMOS!

ALEAS-EU chama a responder ante calquera tipo de agresión LGTBIfóbica coa denuncia da mesma e coa mobilización nas rúas

O ano 2014 mostrouse especialmente duro para o colectivo LGTBI, xa que, pese aos pasos que puideramos ter dado, somos o colectivo social máis preseguido e atacado do Estado. Este pasado venres 12, aínda houbo unha nova agresión a unha parella de homosexuais por parte dun grupo de neonazis en Madrid, só un exemplo do acontecido nos últimos meses.

Máis outra agresión homófoba en Galiza

 

ALEAS-EU denuncia a agresión homófoba sufrida por un compañeiro e a súa parella en Ponteareas. Dende ALEAS-EU facemos un chamamento ao colectivo LGTBI galego a non deixarse amendrentar e a seguir vivindo as súas vidas abertamente e sen medo.

Cando dende o colectivo LGTBI berramos que loitamos pola igualdade real, polas nosas vidas e os nosos dereitos, cando berramos contra inxustizas como a “Lei de Familia” da Xunta de Galicia ou a futura “Lei de Igualdade de Trato e Non Discriminación de Lesbianas, Gays, Transexuais e Bisexuais en Galicia”, esa fraude, é porque as persoas LGTBI sabemos o contexto no que vivimos, sabemos ao que nos enfrontamos cada día, ao que estamos expostas.

ALEAS-EU mostra a súa repulsa pola agresión homófoba sufrida por un compañeiro

Queremos solidarizarnos co noso compañeiro Noel Dopazo e o seu mozo, que no día de onte sufriron un ataque homófobo nun coñecido local de Compostela.

A Área de Liberdade de Expresión Afectivo-Sexual quere denunciar a agresión de carácter homófobo e fascista sufrida polo compañeiro Noel Dopazo e a súa parella. Unha vez máis asistimos a un lamentable espectáculo de homofobia, protagonizado por aqueles que non teñen vida propia e se adican a destruir a dos demais, por aqueles que a frustración consigo mesmos lles leva a atentar contra a integridade física e moral das outras persoas, sexa cal sexa o motivo, neste caso por razón de orientación sexual.