.jpg)
Dende a Área de Liberdade de Expresión Afectivo-Sexual de
Esquerda Unida Compostela reafirmamos o noso compromiso na loita contra o
heteropatriarcado e a LGTBIfobia que enferman e poñen en risco á nosa
sociedade.
Este ano resultou ser moi duro, xa que foron varios os casos de ataques de carácter fascista-LGTBIfóbicos e foron varias as denuncias recibidas de comportamentos do mesmo estilo contra persoas do colectivo LGTBI. A todos estes debemos hoxe, por desgracia, sumar unha denuncia máis.
O pasado martes 19 de novembro na Facultade de Maxisterio, o
profesor Domingo Neira García na materia de “Didáctica e profesión Docente”
comezou un debate impensábel hoxe en día, posto que na súa exposición sobre
unha temática proposta polo alumnado, a pederastia, chegou a identificar esta
coa homosexualidade.
Ao longo da súa intervención na clase, que durou entre as 09:00h e as 10:30h desa mañá, o profesor Neira García fixo afirmacións do tipo que a “sociedade estaba enferma e engañada pola homosexualidade, un tema do que xa non se podía opinar”. Segundo o docente da USC, “os homosexuais carecían de hombría e non poden educar”, xa que “a homosexualidade era contaxiosa” e que por iso precisamente “tampouco se podía permitir a parellas do mesmo sexo adoptar, posto que lles pasarían o seu mal aos seus fillos”. Tamén asegurou que “as mulleres lesbianas teñen un Cromosoma XXX”, o que explicaría o seu comportamento non normal.
Ademais disto, Neira García asegurou ter probas científicas e
estudos que demostraban o que el expoñía e non entendía que algunas persoas de
entre o estudantado decidirán marcharse da aula, mentres que outros rebatían as
súas absurdas afirmacións.
Non podemos obviar tamén que, como materia de estudo, o
profesor obriga a usar básicamente unha publicación propia titulada “Didáctica
para el Crecimiento Socio-personal”, onde ademais de comentarios de carácter
homófobo como que incluir dentro de “desviacións condutuais a sodomía, o
travestismo e as violacións”, unir a corrupción de menores coas “bodas gay” ou
relacionar a zoofilia coa homosexualidade (todo isto na páxina 293 de dita
publicación).
O estudantado denuncia estes feitos e sentirse farto desta
situación, a mesma que lles obrigou a realizar unha recollida de sinaturas
esixindo a toma de medidas por parte do Decanato da facultade, da Reitoría da
USC e do Valedor do Estudante con respecto a este individuo.
Dende ALEAS-EU denunciamos esta situación, posto que non é a
primeira vez que se realizan queixas ao respecto deste profesor na Facultade,
sen que a día de hoxe se tomara algún tipo de medida ou sanción aos seus
ataques e comentarios de odio. Ademais, denunciamos que a USC non teña un
control serio das obras e temarios que o estudantado está a recibir nas clases,
posto que a lectura deste libro nunca se debería ter dado na universidade
pública.
Así, dende ALEAS-EU sumámonos ás esixencias do estudantado
de maxisterio da USC e esiximos a expulsión de Domingo Neira García como
docente da USC, posto que esta persoas non está capacitada nin debe seguir
educando aos e ás Mestres do mañá.
COMUNICADO ÍNTEGRO DO ALUMNADO DE PRIMEIRO CURSO
DO GRAO EN EDUCACIÓN INFANTIL DA USC
DO GRAO EN EDUCACIÓN INFANTIL DA USC
Santiago de Compostela, a 24 de Novembro de 2013
O alumnado de primeiro curso do Grao en Educación Infantil
O alumnado de primeiro curso do Grao en Educación Infantil
EXPOÑEMOS:
A universidade é un espazo de aprendizaxe e de formación e,
sobre todo, un lugar no que aprender a pensar de xeito autónomo e crítico. Por
iso, tanto como estudantes da USC, como cidadás/-áns críticas/-os, responsables
e respectuosos, hai comportamentos que consideramos que non poden ser admitidos dentro destas paredes e deben ser denunciados,
con maior énfase, se cabe, ao tratarse da universidade pública, de todas e de
todos.
As alumnas e os alumnos do 1º curso de Educación Infantil
presentamos este escrito como acto de protesta ante os repetidos discursos e
actitudes do profesor Domingo Neira García, así como polos contidos e forma de
impartir a materia “Didáctica e Profesión Docente”.
O pasado martes día 19 de novembro, na aula 12 entre as
09:00h e as 10:30h, Domingo Neira fixo unha serie de comentarios que non
podemos tolerar de ningún xeito. O profesor, tras preguntar ao alumnado se
había algunha nova de actualidade que quixeramos comentar, e xurdindo entón o
tema da “pederastia”, comezou a identificala coa homosexualidade, facendo
afirmacións como “a homosexualidade é unha enfermidade, un problema conxénito”,
“os homosexuais tenden ao abuso de menores”, “a homosexualidade é contaxiosa”,
“os homosexuais non son homes nin poden educar”, “as mulleres lesbianas teñen
un Cromosoma XXX”, entre outros comentarios de liña claramente homofóbica.
Dada a gravidade das súas declaracións, algunhas persoas decidiron erguerse e saír da aula, mentres que outras preferiron quedar e rebater as súas verbas, ao que o profesor garantiu ter “probas científicas” do que dicía e que a sociedade estaba “enferma e enganada” con esta cuestión. Aos presentes, sen ir máis lonxe, díxonos que estabamos embobados, cerrados, e que pensabamos así pola educación que nos deran.
Este último incidente foi o que nos incitou a levar a cabo esta protesta, máis lamentablemente non se trata dun feito illado. En varias ocasións ten tratado despectivamente outros temas e colectivos, como por exemplo o pobo xitano ou os inmigrantes, dando mostras dun claro racismo.
Por outra parte, e no tocante á materia que el debe impartir, temos que denunciar que Domingo Neira segue e recomenda unicamente os seus libros. O estudantado é obrigado a estudar e ser posteriormente avaliado polo libro “Didáctica para el Crecimiento Socio-personal”, onde os seus comentarios van dende os ataques á homosexualidade á misoxinia e a outros tipos de reflexións irracionais e despectivas e que nada teñen que ver cos contidos formais da materia aprobados e verificados pola propia universidade mediante resolución reitoral.
En canto aos contidos e exposición da materia temos que destacar que existe un descontento xeral dende o primeiro día de clase, pois consideramos que non estamos sacando ningún proveito. Esta é unha cuestión de enorme gravidade se temos en conta a importancia da didáctica no exercicio da profesión para a cal nos estamos formando.
SOLICITAMOS:
1. A suspensión da actividade docente do profesor Domingo Neira García debido ós seus comportamentos de natureza claramente misóxina, homófoba e racista, que incitan ao odio e á discriminación das minorías sociais.
2. O cambio de docente con efecto inmediato nesta materia ou, no seu defecto, a posibilidade de ser avaliados por outro equipo docente da facultade.
3. A revisión da materia impartida até o de agora e que reflexa as ideas contidas no ensaio citado anteriormente e utilizado inadecuadamente como manual da materia (véxase “Didáctica para el Crecimiento Socio-personal”).
4. A revisión da bibliografía e do material didáctico especificado no programa oficial da materia por posuír contidos claramente inapropiados para o exercicio da nosa profesión.
Confiamos en que tanto o Decanato da Facultade de Ciencias da Educación como a propia Reitoría da universidade, así coma o Valedor do Estudantado, atendan as nosas peticións con celeridade e dilixencia.
Dada a gravidade das súas declaracións, algunhas persoas decidiron erguerse e saír da aula, mentres que outras preferiron quedar e rebater as súas verbas, ao que o profesor garantiu ter “probas científicas” do que dicía e que a sociedade estaba “enferma e enganada” con esta cuestión. Aos presentes, sen ir máis lonxe, díxonos que estabamos embobados, cerrados, e que pensabamos así pola educación que nos deran.
Este último incidente foi o que nos incitou a levar a cabo esta protesta, máis lamentablemente non se trata dun feito illado. En varias ocasións ten tratado despectivamente outros temas e colectivos, como por exemplo o pobo xitano ou os inmigrantes, dando mostras dun claro racismo.
Por outra parte, e no tocante á materia que el debe impartir, temos que denunciar que Domingo Neira segue e recomenda unicamente os seus libros. O estudantado é obrigado a estudar e ser posteriormente avaliado polo libro “Didáctica para el Crecimiento Socio-personal”, onde os seus comentarios van dende os ataques á homosexualidade á misoxinia e a outros tipos de reflexións irracionais e despectivas e que nada teñen que ver cos contidos formais da materia aprobados e verificados pola propia universidade mediante resolución reitoral.
En canto aos contidos e exposición da materia temos que destacar que existe un descontento xeral dende o primeiro día de clase, pois consideramos que non estamos sacando ningún proveito. Esta é unha cuestión de enorme gravidade se temos en conta a importancia da didáctica no exercicio da profesión para a cal nos estamos formando.
SOLICITAMOS:
1. A suspensión da actividade docente do profesor Domingo Neira García debido ós seus comportamentos de natureza claramente misóxina, homófoba e racista, que incitan ao odio e á discriminación das minorías sociais.
2. O cambio de docente con efecto inmediato nesta materia ou, no seu defecto, a posibilidade de ser avaliados por outro equipo docente da facultade.
3. A revisión da materia impartida até o de agora e que reflexa as ideas contidas no ensaio citado anteriormente e utilizado inadecuadamente como manual da materia (véxase “Didáctica para el Crecimiento Socio-personal”).
4. A revisión da bibliografía e do material didáctico especificado no programa oficial da materia por posuír contidos claramente inapropiados para o exercicio da nosa profesión.
Confiamos en que tanto o Decanato da Facultade de Ciencias da Educación como a propia Reitoría da universidade, así coma o Valedor do Estudantado, atendan as nosas peticións con celeridade e dilixencia.
