ALEAS-EU denuncia o falso "Proyecto Pilla-Pilla"
coma unha estratexia homófoba fascista
No momento actual de crise, usado como pretexto para destruír dereitos e conquistas sociais, algunhas persoas déixanse levar por discursos de odio que fomentan a división e as actitudes discriminatorias cara a certos sectores da poboación, o que é funcional ao capitalismo en tanto que fomenta a fragmentación interna da clase traballadora.
Entre estes sectores podemos mencionar ao colectivo
inmigrante, o cal é obxecto de acusacións xenófobas, relacionándoo coa falta de
oferta de emprego ou acusándoo de vir aproveitarse dos servizos sociais; ou o
colectivo LGTBI, que é vítima de agresións nas rúas ou ataques organizados,
como o coñecido como “Proyecto PILLA-PILLA”.
O “Proyecto PILLA-PILLA” baséase na estendida práctica LGTBIfóbica que se leva a cabo en Rusia onde, co pretexto de buscar a pederastas para defender a nenos de posíbeis abusos, leva a cabo unha persecución sistemática de homosexuais. Estas “cazas” xa chegaron ao asasinato de varias persoas nese país e ese tipo de persecución está a darse agora no Estado español con características similares.
Vimos observando que estes grupos organizados actúan só
contra supostos "pederastas" homosexuais. Usando chats como forma de
procura dos supostos “pederastas” actúan á marxe da xustiza institucional,
enganando a homes adultos que buscan ter contactos sexuais con adolescentes do
seu mesmo sexo. Devanditos grupos adoptaron como trazo distintivo un xesto
utilizado polos grupos neonazis que se organizan para atacar a homosexuais, o
puño pechado co pulgar a medio levantar.
Desde a Área de Liberdade de Expresión Afectivo-Sexual de
Esquerda Unida (ALEAS-EU) expresamos a nosa preocupación pola actuación destes
grupos á marxe da lei e advertimos ao colectivo LGTBI que se manteña alerta,
ademais de chamar ao conxunto da poboación a non apoiar estas accións e a
unirse á loita contra as persecucións homófobas e fascistas. Nestes momentos de
crise temos estar máis alerta que nunca ante os ataques que nos chegan como
consecuencia directa da situación económica na que nos sumiu a crise-estafa
capitalista.
Nin pederastia, nin homofobia, nin fascismo!
