NON aos “Xogos da Vergoña”

Os próximos Xogos Olímpicos de Inverno, que terán lugar entre os días 7 e 23 de febreiro na cidade de Sochi, Rusia, ameazan con convertirse nun fito histórico na vulneración dos Dereitos Humanos.

A popularmente chamada lei “anti gai”, que castiga con multas e incluso con penas de cárcere a quen manifeste publicamente a súa homosexualidade ou bisexualidade, así como a expresión da súa identidade transexual, pode convertir esta data deportiva nun claro exemplo de intolerancia e discriminación. Sochi 2014 entraría así na honorábel lista de datas escuras do deporte, situándose ao nivel dos Xogos Olímpicos de Berlín en 1936, organizados polo Goberno do Partido Nazi baixo unha vergoñenta e criminal propaganda racista.

ALEAS-EU critica a falta de contidos LGTBI no Plan estratéxico de xuventude da Xunta de Galicia 2014-2016

 

ALEAS-EU presentará unha serie de enmendas a través da deputada de AGE, Eva Solla, para dotalo de contido

A Xunta vén de publicar un plan destinado á mocidade de Galicia, o “Plan Estratéxico de Xuventude” para os anos 2014-2016, que ten como obxectivo a participación da xuventude e a organización de actos sociais e actividades formativas e lúdicas para este sector da poboación, así como investigacións e estudos sobre diferentes eidos do mesmo.

ALEAS-EU quere unha Lei De Visibilidade LGTBI que defenda os dereitos do colectivo en Galiza

 

Dende ALEAS-EU esiximos ao PP que non empregue a súa mayoría absoluta para impor a súa ideoloxía sobre as enmendas dos demais grupos parlamentarios

Estamos a vivir unha época de plena loita polos dereitos e liberdades do colectivo LGTBI, non só a nivel mundial, senón tamén en todo o estado e, aínda máis concretamente, no país. 

Denuncia Santiago e Daniel

ALEAS-EU pide á xustiza axilidade no caso de Santiago Vázquez e Daniel Baamonde, critica a mala praxe da Consellería de Traballo e Benestar e presentará a través do Grupo Parlamentar de AGE unha serie de preguntas ao respecto

Dende a aprobación do matrimonio igualitario, coa incluída posibilidade de adopción por parte de parellas homoparentais, xa foron e son moitas as persoas LGTBI que queren e están a formar unha familia ao longo de todo o Estado.

Nin pederastia, nin homofobia, nin fascismo!

ALEAS-EU denuncia o falso "Proyecto Pilla-Pilla" coma unha estratexia homófoba fascista

No momento actual de crise, usado como pretexto para destruír dereitos e conquistas sociais, algunhas persoas déixanse levar por discursos de odio que fomentan a división e as actitudes discriminatorias cara a certos sectores da poboación, o que é funcional ao capitalismo en tanto que fomenta a fragmentación interna da clase traballadora.

Entre estes sectores podemos mencionar ao colectivo inmigrante, o cal é obxecto de acusacións xenófobas, relacionándoo coa falta de oferta de emprego ou acusándoo de vir aproveitarse dos servizos sociais; ou o colectivo LGTBI, que é vítima de agresións nas rúas ou ataques organizados, como o coñecido como “Proyecto PILLA-PILLA”.