En apoio a Laura Bugalho, todas á rúa!

ALEAS ESQUERDA UNIDA CHAMA Á PARTICIPACIÓN NA CONCENTRACIÓN DO 7-X, NOS XULGADOS DE COMPOSTELA, EN APOIO A LAURA BUGALHO

Compostela, 04 de xuño de 2016. Esquerda Unida, dende a área de Liberdade de Expresión Afectivo-Sexual (ALEAS-EU), chama á participación na concentración convocada a petición da defensa da activista LGTBI e sindicalista da CIG Laura Bugalho, e secundada por diversas organizacións, colectivos e movementos sociais, que terá lugar o mesmo día do xuízo, o vindeiro 7 de xuño ás 9 da mañá, en Compostela, diante dos Xulgados de Fontiñas.

O colectivo LGTBI di NON AO TTIP

Dende ALEAS-EU chamamos ao colectivo LGTBI a sumarse ao rexeitamento ao TTIP, o cal suporá unha gran perda de dereitos.

Os dereitos sociais e laborais do conxunto da poboación están en xogo, en especial os das persoas LGTBI. Este ano enfrontámonos a unha noticia cuxas consecuencias poden ser catastróficas, o 'Tratado Transatlántico sobre Comercio e Investimento', máis coñecido como TTIP, a nova bomba dos mercados e das políticas neoliberais contra a clase traballadora.

Manifesto de ALEAS-EU con motivo do 28 de Xuño, Día do Orgullo LGTBI

FRONTE Á CRISE DO RÉXIME: ORGULLOSAS E COMBATIVAS!

Máis de catro décadas despois dos disturbios que tiveron lugar no barrio neoiorquino de Stonewall volvemos a saír ás rúas. Somos outras activistas e, ao mesmo tempo, somos as mesmas; caras e espacios diferentes, idénticas esixencias de igualdade. O 28 de Xuño reivindicamos con orgullo un momento histórico de logros e conquistas, pero tamén apostamos pola continuidade dun movemento social que nos permita seguir avanzando na consecución da igualdade real e efectiva.

Xornadas federais de ALEAS-IU 2013

A Área de Liberdade de Expresión Afectivo-Sexual de Izquierda Unida (ALEAS-IU) convídavos a participar nas súas xornadas federais de debate e formación que este ano celebraranse os días 6 e 7 de abril en Santiago de Compostela (A Coruña), organizadas por ALEAS-Esquerda Unida.

Esta edición leva por título "Reimpulsando a loita LGTBI fronte á crise do Réxime" e pretende articular un espazo de encontro e diálogo entre a esquerda política e o movemento LGTBI co obxectivo de plantexar alternativas dende as maiorías sociais ante a crise do capitalismo. En dito marco investigadores/as, militantes e activistas abordarán durante a primeira fin de semana temáticas como: o movemento LGTBI galego, a teoría queer, o transfeminismo, os novos retos do movemento LGTBI ou o poliamor.