A Área de Liberdade de Expresión Afectivo-Sexual de Esquerda
Unida insiste na necesidade de rachar toda relación de privilexio, tamén
económico, entre o Estado e a Igrexa Católica como forma de contrarrestar as
dramáticas consecuencias dos recortes sociais.
Só no pasado ano 2012, a Igrexa Católica recibíu en España
máis de 6.000 millóns de euros das administracións públicas, dos cales a metade
foron a parar aos 2.400 colexios católicos que aínda existen en España, e máis
de 2.000 millóns repartíronse entre as diferentes institucións sanitarias e de
beneficencia dirixidas pola xerarquía católica.
Dende ALEAS-EU denunciamos que dende as instancias
gubernamentais se dea cobertura económica á Igrexa Católica, organismo nada
parco e ben insistente á hora de expoñer e desenrolar os seus valores
desigualitarios, machistas e LGTBIfobos. Xa no ano pasado, dende esta mesma
área de EU denunciamos como inadmisibles as declaracións homófobas do bispo de
Alcalá ao declarar que as persoas homosexuais son "persoas corrrompidas",
así como as que en xaneiro de 2012 fixera o máximo representante da Igrexa
Católica ao manifestar que as políticas do matrimonio igualitario entre persoas
do mesmo sexo supoñen "unha ameaza para a dignidade humana e o porvir
mesmo da humanidade".
Un ano máis, ALEAS-EU reivindica a construción da Terceira
República como unha oportunidade para a conquista de dereitos e liberdades por
parte das maiorías sociais en xeral, e para as persoas LGTBI en particular. Tal
e como se ven facendo dende os distintos ámbitos de Esquerda Unida, dende
ALEAS-EU expresamos o noso máis sinceiro apoio aos actos de conmemoración da
proclamación da IIª República. Este período político, se ben desgraciadamente
breve, supuxo enormes avances na igualdade social, así como a consecución de
dereitos e liberdades ata entón descoñecidos, como por exemplo: o recoñecemento
dos dereitos das mulleres, a mellora nas condicións laborais das clases
traballadoras ou a aceptación das diferentes realidades nacionais dentro do
Estado Español son só algúns exemplos disto.
